මහා රාවනා රජුගේ කාල පරිච්ඡේදයෙන්ද මේ හා සමාන පිටසක්වල සම්භවයක් පිළිබදව හෙළි වේ.මේ ශිෂ්ටාචාර සියල්ලක්ම එක හා සමාන කාලයකදී ආරම්භ වී (අහසින් පැමිණි සිංහ මිනිසුන්ගෙන්) එක හා සමාන කාලයක පැවතී එක සමාන කාලයකදී විනාශ වීම පුදුම සහගත සිද්ධියකි. එකී සමකාලීන ශිෂ්ටාචාරයන් එකිනෙක අතර තිබූ සහසම්බන්ධය එමගින්ම පැහැදිළි වෙයි.
අප රටේ සිට පිටසක්වල ජීවින් පිළිබද අධ්‍යනයක් කරන විට, අපට නැතුවම බැරි මූලාශ්‍රයකි "සක්වල ගල". "තාරකා දොරටුව" , "සක්වළ යතුර" හා "සක්වල චක්‍රය" ලෙසද හදුන්වනුයේ මෙයම වේ. ඉoග්‍රීසි බසින් STAR GATE යනුවෙන් හදුන්වයි.
තාරකා දොර‍ටුවක් යනු විශ්වයේ ඉතාමත් ඈතින් ඇති ස්ථාන දෙකක් අතර ක්ෂණිකව ගමන් කිරීම සඳහා යොදාගත හැකි දොර‍ටුවකි. එනම් එලෙස ගමන් කරන ස්ථාන දෙකේම තාරකා දොරටු තිබිය යුතුය. එවිට එක දොර‍ටුවකින් ඇතුළු වී අනෙකුත් දොර‍ටුවෙන් පිට වීමට පුළුවන්. වැඩි විස්තරවිකීපීඩියාවෙන් බලන්න.
ඔබ The Stargate , Night At The Museum 2, Sinhaawalokanaya, Spellbinder 3 වැනි චිත්‍රපට නරඹා තිබේනම්, චක්‍රාවාට හෝ කාලය අතර ගමන් කිරීම සඳහා යොදා ගන්නා තාරකා දොරටු (හෝ එවැනි යානා) ගැන දන්නවා ඇති. උදාහරණ ලෙස පහත දැක්වෙන The Stargate චිත්‍රපටයේ වීඩියෝවෙන් එය දිස් වන ආකාරය බලන්න. (ශ්‍රී ලංකාවට ගැලපෙන පරිදි සංස්කරණය කර නැති නිසා කුඩා දරුවන් සඳහා මෙය නැරඹීම කිසිසේත්ම සුදුසු නොවේ)
කෙසේ නමුත් මෙය ඉතාමත් සංකීර්ණ සිද්ධාන්තයක් බැවින් මේ ගැන අධ්‍යයනය කර නොමැති සහෘදයින්ට තාක්ෂණික කරුණු (ස්ටිෆන් හෝකිං ගේ ලිපි කියවා බලන්න) පිළිබඳව වර්ගපූර්ණිකාව බ්ලොග් එකේ දීර්ඝව පැහැදිළි කිරීමට බලාපොරොත්තු නොවන අතර හෙළ තාක්ෂණය අවබෝධ කරගැනීම සඳහා ඇවසි පමණට කෙටියෙන් දක්වන්නම්. ඒ සඳහා පහත රූප පෙළ බලන්න.
 |
| ක්‍රියාත්මක නොකළ තාරකා දොරටුව |
 |
| තාරකා දොරටුව ක්‍රියාත්මක කිරීම සඳහා යොදා ගන්නා දැක්වුම් නිවස්න උපකරණය (Dial-Home Device) |
 |
| අවශ්‍ය බලය සපයා නිසි සුසර කිරීම් වලින් අනතුරුව "දැක්වුම් නිවස්න උපකරණයෙන්" යා යුතු මාර්ගය දැක්වූ විට තාරකා දොරටුව මැද වෝටෙක්ස් වලින් පිරී යයි. |
 |
| ක්‍රියාත්මක කළ තාරකා දොර‍ටුවක අස්ථායී වළාවන් (unstable vortex) පිටවෙන ආකාරය. |
 |
| තාරකා දොර‍ටුවෙන් ඇතුළු වන කාලාත්‍රයේ/විශ්වාත්‍රයේ තීර්ථ යාත්‍රිකයා තාරකා දොරටුව හරහා අනිත් විශ්වයට ගමන් කරන මොහොතේ ඔහුට දිස් වන ආකාරය |
මෙම තාරකා දොරටු වලින් අවකාශයේ ඇති ස්ථාන දෙකක් අතර ගමන් කිරීමට මෙන්ම කාලය හරහා ගමන් කිරීමටත් හැකියාව තිබේ. අයින්ස්ටයින්ගේ සාපේක්ෂතා නියමයට අනුව අවකාශය සහ කාලය ශ්‍රීතික බව ඔබ දන්නා නිසා මෙය වර්ගපූර්ණිකාව බ්ලොග් එකේ වෙනම පැහැදිළි කළ යුතු නැතැයි සිතමි.
අතීතයේදී මේ තාරකා දොරටු තාක්ෂණය භාවිතා වුන බව ඔබ දන්නවාද? එයත් අපගේ හෙළයින්ගේම නිර්මාණයක් බව ඔබ දැන සිටියාද? ලිපියේ අවසානයේදී මේ ගැන පැහැදිළි කරන්නම්.
මුලු ලෝකය පුරාවටම "සක්වල දොරටු" කිහිපයක් සොයා ගෙන තිබේ. ඉන් වැඩි කොටසක් ,මහා රාවනා රජු සබදතා දැක්වූවායි සැළකෙන ශිෂ්ටාචාර වලට අයත් වෙයි. මිසරය ඉන් එක් ශිෂ්ටාචාරයකි. එහි ඇති "තාරකා දොරටුව" වඩා විශාල වූ එකකි.
 |
| මිසරයෙන් හමුවූ තාරකා දොරටුව |
 |
| පේරු හි ඇති තාරකා දොරටුව |
 |
| අනුරාධපුරයේ ඉසුරුමුණියේ තිබෙන තාරකා දොරටුව |
කළින් ලිපියක දැක්වූ විදියට ඉසුරුමුණියේ ඇති තාරකා දොරටුව බහුකාර්ය මෙවලමකි. එය තාරකා දොර‍ටුවක් වීමට අමතරව, පෘථිවියේ ශක්ති කේන්ද්‍ර පරිපථයක් ලෙසත් ක්‍රියාත්මක කරයි. ඉසුරුමුණි තාරකා දොර‍ටුවේ ඇති අනික් විශේෂත්වයනම් දැක්වුම් නිවස්න උපකරණය (Dial-Home Device) පිහිටා තිබෙන්නේ එහි මතුපිටම වීමයි. එනම් ඉසුරුමුණි තාරකා දොරටුව ස්පර්ෂ කිරීමෙන් ගමනාන්තය සඳහා අවශ්‍ය විධානයන් දැක්වීමට පුළුවන්. එනම් එය Touch Pad එකකි. ඒ අනුව ලෝකයේ මුල්ම Touch Pad එක හදා තිබෙන්නේ රාවණා රජතුමා විසින්ම බව පැහැදිළි වෙයි.
තවමත් බොහෝ රාවණ ගවේශකයින්ට ඉසුරුමුණි තාරකා දොර‍ටුවේ ඇති සටහන් වටහා ගැනීමට නොහැකි වූ බව කීම ගැන මා කම්පා වෙමි. ශ්‍රී ලංකාවේ මධ්‍යම කඳුකරයේ ඉතමත් රහසිගතව වාසය කරන, ලංකාසීනිවුස් වෙත අනාගත වාකය ලබා දෙන සම්‍යක්දෘෂ්ඨික දෙවි දේවතාවුන්ගේ දැනුම ලබා ගන්නා තාපස තුමා එම තාරකා දොරටුව ගැන වරක් මා හට පැහැදිළි කළ සේක, ඒ ගැන ඉතාමත් සරළව පවසනවානම් එහි ඇති රූප, විග්‍රහ වන්නේ මෙලෙසයි.
මධ්‍යයේ ඇති වළලු වලින් දැක්වෙන්නේ සූර්යග්‍රහ මණ්ඩලයයි. එසේම ඊට වයඹ දෙසින් දැක්වෙන වළලු වලින් දැක්වෙන්නේ "ඇල්නිලම්" ග්‍රහලෝකය සහිත ග්‍රහ මණ්ඩලයයි. (වෛදික ජ්‍යොතිෂ්‍යවේදී කාංචන ගීත මනමේන්ද්‍ර මහතාගේ ලිපි කියවා ඇත්නම්, "ඇල්නිලම්" යනු රාවණා රජතුමා පැමිණි ග්‍රහලෝකය බව ඔබ දැනටමත් දන්නවා ඇති.) ඉන් පසුව සූරග්‍රහ මණ්ඩලයට වයඹ දෙසින් පහලින් දැක්වෙන්නේ කළු කුහරයකි. සූර්යග්‍රහ මණ්ඩලයට ඈතට වීමට දෙපසින් ද එවැනි කළු කුහර දෙකක් තිබේ. ඊට අමතරව තාරකා දොරටුව වටා ඇති වළල්ලේ ඇති රූප වලින් (මීන, වෘෂභ, කටක, කුම්භ) දැක්වෙන්නේ තාරකා රාශීන්ය. කාලාත්‍රය හරහා යාමේදී මීන රාශිය බොහෝ විට හමුවෙන බැවින් එය කිහිප තැනකම දැක්වෙයි. සූර්යග්‍රහ මණ්ඩලය අවටින් ඇති කතිරයක් සහිත බෝල වලින් දැක්වෙන්නේ රාවණා රජතුමා විසින් පිහි‍ටුවන ලද අභ්‍යවකාශ මධ්‍යස්ථානයන්ය. (ලෝකයේ මුල්ම අභ්‍යවකාශ මධ්‍යස්ථාන හදා ඇත්තේත් රාවණා රජතුමාම බව එමගින් පැහැදිළි වෙයි). එම මධ්‍යස්ථානයන් විශ්ව නිරීක්ෂණ ආයතන ලෙස වැඩ කරන අතර අවශ්‍ය වුවහොත් අභ්‍යවකාශගාමී හෙළයින්ට ඒවාට ගොස් පදිංචි වීමටත් පුළුවන.
 |
| ඉසුරුමුණි තාරකා දොරටුව විස්තරාත්මකව ඇඳ ඇති සටහනක් |
ඉසුරුමුණි තාරකා දොරටුව අසළට පැමිණෙන කාලාත්‍රයේ හෝ විශ්වාත්‍රයේ තීර්ථයාත්‍රිකයා පළමුව රාවණ විශ්ව මන්ත්‍රය මැතිරිය යුතුය. එම මන්ත්‍රය, තාරකා දොරටුව විවෘත වීමට අවශ්‍ය මුර පදය ලෙස භාවිතා කරයි. ඒ අනුව ශබ්ද මුරපද ක්‍රමය හෙවත් Voice Password ලොව මුල් වරට හඳුන්වා දී තිබෙන්නේත් රාවණා රජතුමමයි.
අදාල මන්ත්‍රය මැතිරීමෙන් පසුව ඉසුරුමුණි තාරකා දොරටුව ශබ්දයක් නගමින් ක්‍රියාකාරී වෙයි. ඉන් පසුව එය මත ඇති සටහන් වලින් අවශ්‍ය ගමනාන්තයන් දැක්විය යුතුය. නිසි ගමනාන්තය ස්පර්ශ කර දැක්වූ සැනින් තාරකා දොරටුව ක්‍රියාත්මක වී එහි මැද වෝටෙක්ස් වලින් පිරී යයි.
[මතු සම්බන්ධයි]
ඔයාලට මෙමෙ ලිපිය වැදගත් උනානම් අනිවරෙන් comment එකක් දන්නා ඔයාලගේ අදහස් ගොඩක් වටිනවා මට
*
*
*
අලුත්ම දේවල් උණු උණුවෙම ගන්න aluthlanka.com සාමාජික අත්වය ගන්න Join This Site මත Click කරන්න.ඔබට එවිට එසැනින් අලුත් ලිපි ලබා ගත හැක.
තවත් මේවගේ වටින කියන ලිපියකින් හමුවෙමු.
ඔබේ වටිනා අදහස් පහතින් දාන්නත් පුලුවන් 